HATAW! D'yaryo ng Bayan hatawtabloid.com
NAPATAY ng mga pulis ang isang lalaking sisitahin sana dahil walang pang-itaas ngunit biglag namaril sa Tondo, Maynila kahapon ng madaling araw.
Ang suspek ay kinilalang si Rodolfo Gigante, 34, jobless, at residente sa Margarita St., Happyland, Brgy. 105, Tondo, Maynila.
Batay sa ulat ni PO2 Ryan Jay Balagtas, imbestigador ng Manila Police District (MPD) – Crimes Against Persons Investigation Section (CAPIS), nabatid na dakong 2:00 am nang mamataan ng nagpapatrolyang mga pulis ng Smokey Mountain Police Community Precinct (PCP), sa pangunguna ni Police S/Insp. Monico Aliado, ang suspek na walang damit na pang-itaas sa lugar.
Sisitahin sana ng mga pulis ang suspek ngunit bigla na lang naglabas ng baril at pinaputukan ang mga pulis.
Napilitang gumanti ng putok si Aliado na nagresulta sa pagkamatay ng suspek. (LEONARD BASILIO)
