HATAW! D'yaryo ng Bayan hatawtabloid.com
KINOMPIRMA ni PNP chief Director General Ronald “Bato” dela Rosa, wala nang balak sumuko si Kerwin Espinosa, sinasabing top drug lord sa Eastern Visayas.
Ito ay batay sa pakikipag-ugnayan ni Dela Rosa sa kanyang counterpart na Royal Malaysian Police.
Una nang napaulat na nakalabas ng bansa patungong Malaysia si Kerwin bago pa man kusang-loob na sumuko ang kanyang ama na si Albuera Mayor Rolando Espinosa makaraan pangalanan ni Pangulong Rodrigo Duterte bilang isang Narco-mayor.
Mariing itinanggi ni Mayor Espinosa na siga at drug lord ang kanyang anak na si Kerwin na siya talagang may kinalaman sa pagbebenta ng illegal na droga.
Ayon kay Dela Rosa, sinabi ng Royal Malaysian Police, wala pa silang record nang paglabas ng Malaysia ni Kerwin kaya maaaring nagtatago pa sa nasabing bansa.
