HATAW! D'yaryo ng Bayan hatawtabloid.com
NAGA CITY – Patay ang isang driver habang sugatan ang pitong pasahero kasama ang isang-taon gulang na sanggol nang mahulog sa bangin ang isang pampasaherong bus sa ba-yan ng Libmanan, Camarines Sur.
Nabatid na habang bi-nabaybay ng Silver Star Bus na minamaneho ni Rogelio Joven, Jr., ang kahabaan ng Maharkila Highway sa Barangay Tinaquihan sa nasabing bayan, biglang lumi-yab ang bus.
Dahil dito, nataranta ang driver at inatake sa puso kung kaya nawalan ng kontrol sa sasakyan at tuluyang nahulog sa bangin na may lalim na anim na metro.
Nasugatan ang driver at mga pasahero kasama na ang isang-taon gulang na sanggol na agad naitakbo sa ospital ngunit si Joven ay idineklarang dead on arrival.
Pinaniniwalaang nagkaroon ng problema sa makina ng bus kung kaya nasunog ito.’
