Duterte bilib kay Diaz

“BILIB ako sa iyo!”

Ito ang pagbati ni Pangulong Rodrigo Duterte kay Filipina weightlifter at Olympic silver medalist Hidilyn Diaz.

Ginawa ng pangulo ang pasasalamat at pagbati habang siya ay nasa Davao City.

Dagdag ng pangulo, sabik na siyang makita si Diaz sa Malacañang.

Natuwa rin ang pangulo dahil nahiyakat niya si Diaz sa pagkakamit ng medalya sa Rio Olympics.

Magugunitang nakuha ni Diaz ang silver medal sa 52 kgs. female weightlifting event.

Siya ang kauna-unahang atleta sa kasaysayan nang paglahok ng Filipinas na nakasungkit ng medalya sa Olympiyada, na nagmula sa Mindanao.

Muli rin nakatikim ang bansa ng silver medal na huling nakamit 20 taon na ang nakalilipas sa pamamagitan ng Filipino boxer na si Onyok Velasco.