2 bata patay sa red tide sa Samar

TACLOBAN CITY- Nag-iwan ng dalawang batang patay ang red tide sa Samar.

Kinilala ang mga namatay na sina Roselyn Rimala, 11-anyos, residente ng Brgy. Cagutsan Sierra Island; at Gerry Miranda, 5, residente ng Brgy. San Andres sa siyudad ng Calbayog.

Ayon kay Regional Director Juan Albaladejo ng Bureau of Fisheries and Aquatic Resources Regional Office-8, kumain ang mga biktima ng tahong na positibong kontaminado ng red tide.

Samantala, iniimbestigahan pa ng pamunuan ng Calbayog kung sino ang responsable na nagbenta ng tahong sa merkado para mapatawan ng kaukulang kaso.