Luis to the rescue kay Jessy, IG account siya na ang admin

MAY notification kaming natanggap noong Sabado ng gabi sa Instagram account namin, “your facebook friend Lucky Manzano is on Instagram as senorita_jessy” na may 2M followers at pawang litrato ni Jessy Mendiola naman ang naka-post.

Nagulat kami dahil ang alam namin ay pina-follow namin ang account ni Jessy na senorita_j na may 408K followers gayundin ang IG account ni Luis na aktibo naman at pina-follow din namin na may 1.5M followers at pawang litrato rin naman ng TV host ang nakalagay.

Tinanong namin si Luis tungkol dito sa pamamagitan ng text message at sa Facebook, pero hindi kami sinagot na rati-rati naman ay sinasagot kami.

Dagdag tanong pa namin kay Luis kung official na silang magka-relasyon ni Jessy at hindi rin kami sinagot.

At may kuwento pala Ateng Maricris kung bakit si Luis na ang may hawak ng IG account ni Jessy at ipinagkatiwala nito ang password niya sa TV host.

Kuwento ng mga katotong nakausap si Jessy sa presscon ng bago nitong indie film, inamin niyang ibinigay niya ang password kay Luis para siya na ang mag-manage nito at sumagot sa bashers ng aktres.

Emosyonal daw na sinabi ni Jessy na wala siyang ginagawang masama kaya nagtataka siya bakit siya bina-bash at pinararatangang inagaw niya si Luis kay Angel Locsin.

Kaya to the rescue na si Luis na siya na ang magma-manage ng IG account ni Jessy para ipagtanggol siya sa basher.

Marami nga ang nagulat dahil first time makarinig na pakikialaman ng ibang tao o maski karelasyon mo ang social media account mo para lang ipagtanggol ka.

Ibig sabihin daw ay may relasyon na sina Luis at Jessy dahil kung wala ay bakit ganoon na sila ka-close na pati personal na bagay ay alam na ng isa’t isa.

FACT SHEET – Reggee Bonoan