HATAW! D'yaryo ng Bayan hatawtabloid.com
NAGA CITY – Tinatayang aabot sa P2.1 milyon halaga ng shabu ang nahukay sa loob ng isang bahay sa Pandan, Catanduanes kahapon.
Ayon kay Chief Insp. Francisco Rojas, tagapagsalita ng Catanduanes Police Provincial Office, nahukay nila sa bahay ng isang Randy Eusebio, 33-anyos, ang tinatayang 71 bulto ng ilegal na droga.
Matagal na aniya nilang minamanmanan ang bahay ng nasabing suspek at dakong 2:00 am kahapon ay pormal nilang naisilbi ang search warrant.
Nananatili sa kustodiya ng mga awtoridad ang suspek habang inihahanda ang kasong isasampa sa kanya.
Sa ngayon, inaalam pa ng mga awtoridad kung saan nagmula ang ilegal na droga na nahukay sa naturang bayan.
