Alden, mala-Lloydie ang acting; Maine, bongga sa pagsasalita ng Italian

Maraming nakapansing magkahawig sina Alden at John Loyd Cruz pati sa pananamit. Sa acting ay siyempre mas lamang ang Kapamilya star, pero given a chance ay puwedeng humabol ang Kapuso actor.

Si Maine ay okay lang ang acting at gusto namin dahil hindi siya conscious kung hindi siya maganda sa kamera dahil nga sa laki ng bibig niya at mga ngipin, pero kapag seryoso na ang dalaga ay maganda naman at nag-aral lalo na kapag nagsasalita na siya ng Italian dahil ang ganda ng diction.

Kuwela sina Kakai Bautista at Cai Cortez bilang mga kaibigan at housemate ni Maine dahil sila ang tagapakinig at tagapayo sa mga naging problema ng dalaga kay Alden.

Simple lang ang acting ni Jasmine dahil nai-deliver niya ng maayos ang karakter na maysakit na malapit ng mamatay at maski na third wheel siya sa kuwento ay markado naman dahil siya ang dahilan kaya nagkakilala sina Andrew (Alden) at Gara (Maine) sa Italy.

Sa nakaraang presscon ng Imagine You & Me ay may nagbirong P1-B daw ang target ng pelikula na posibleng mangyari dahil sa lakas nito bukod pa sa malapit ng mag-100 ang scheduled block screenings at may international screenings pa sa iba’t ibang bansa.

FACT SHEET – Reggee Bonoan