HATAW! D'yaryo ng Bayan hatawtabloid.com
WALANG problema sa pamunuan ng pambansang pulisya kung isasailalim sila sa lifestyle check batay na rin sa iniutos ng Department of Interior and Local Government (DILG).
Ayon kay PNP Chief PDGen Ronald Dela Rosa, mula sa kanya hanggang sa PO1 ay maaaring imbestigahan.
Sinabi ni Dela Rosa, ang sino mang tutol sa gagawing lifestyle check ay tiyak na may itinatagong yaman.
Habang hindi pabor si Dela Rosa na mismong ang PNP ang magsasagawa ng imbestigasyon sa kanila.
Dahil baka ang resulta nito ay ‘self serving’ at tiyak pagdudududahan ng publiko.
Sinabi ni PNP chief, mas mabuting manggaling sa ibang ahensiya ang mag-iimbestiga na saklaw rin ng DILG gaya ng NAPOLCOM.
Una rito, iniutos ni Interior and Local Government Secretary Mike Sueno ang lifestyle check sa buong PNP organization.
Ito’y kasunod nang pagkakabulgar ng pangalan ng limang heneral na sinasabing sangkot sa operasyon ng ilegal na droga sa bansa.
