HATAW! D'yaryo ng Bayan hatawtabloid.com
LA UNION – Sugatan ang mag-iina makaraan mabundol ng isang closed van habang tumatawid sa kahabaan ng McArthur Highway, Brgy. Madayegdeg, San Fernando City, kamakalwa ng gabi.
Ang mga biktima ay kinilalang si Eva Grande, 26, at ang dalawa niyang mga anak na sina Via, 6, at Luigi Grande, 3, residente sa nasabing lugar.
Batay sa report, isang silver gray closed van ang nakabundol sa mag-iina at mabilis na tumakas ang driver sa pa-hilagang direksiyon.
Agad dinala ng rescue ambulance ang mag-iina sa ITRMC para sa medical treatment.
Inaalam ng mga awtoridad ang pagkakilanlan ng suspek sa pamamagitan nang nahulog na left header at signal light ng van sa pinangyarihan ng insidente.
