HATAW! D'yaryo ng Bayan hatawtabloid.com
KALIBO, Aklan – Limang construction workers ang sugatan nang bumagsak ang isang scaffolding sa underconstruction na school building sa loob ng compound ng Kalibo Integrated Special Education Center (KISEC) sa F. Quimpo St., Kalibo, Aklan kamakalawa.
Agad isinugod sa Aklan Provincial Hospital ang mga biktimang nabalian ng buto na sina Anthony Nervar, 41; Ronel Manganpo, 26; at Christian Libre, 25-anyos.
Samantala, outpatient lamang sina Michael Montalbo, 30, at Virgilio Teodosio, 29-anyos.
Base sa report, siyam trabahador ang nakatungtong sa platform na gawa sa coco lumber upang iakyat ang isang cement mixer papuntang third floor nang ginagawang gusali.
Bumagsak ang scaffolding at masuwerteng nakatalon agad ang ibang mga trabahador.
