2 biktima ng salvage narekober sa Kyusi

NAREKOBER sa magkahiwalay na lugar sa Quezon City kamakalawa ng gabi ang bangkay ng dalawang indibidwal na pinaniniwalaang biktima ng summary killings.

Sa report mula sa Quezon City Police District (QCPD), narekober ang katawan ng isang lalaki sa EDSA malapit sa Philam Subdivision at ang isa pang bangkay ay nakita sa Corregidor St., Brgy. Bago Bantay.

Sa bangkay na narekober sa Bago Bantay ay may nakitang karatulang may nakasulat na “Wag tularan, salot sa Edsa.”

Habang ang bangkay na narekober sa EDSA sa bahagi ng Philam Subdivision ay may nakalagay na cardboard box na may mensaheng “Salot ako, mandurukot.”