HATAW! D'yaryo ng Bayan hatawtabloid.com
COTABATO CITY – Patay ang walo katao sa isinagawang operasyon kahapon madaling araw laban sa isang organized crime group sa Poblacion, Matalam, North Cotabato.
Batay sa ulat ng Matalam PNP, inilunsad ang joint operation para isilbi ang arrest warrant laban sa mga suspek sa hinihinalang drug den sa Sitio Quiapo.
Ngunit nanlaban ang mga suspek na nagresulta sa palitan ng putok sa mga awtoridad.
Napatay ang walong suspek habang isa ang naaresto.
Ayon sa pulisya, ang grupo ay binubuo ng drug dealers, carnappers at holduppers na sangkot sa ilang krimen sa North Cotabato.
Narekober sa raid ang mga baril, apat na granada at limang sachet ng pinaniniwalaang shabu.
