HATAW! D'yaryo ng Bayan hatawtabloid.com
NAGA CITY – Patay ang dalawa katao habang sugatan ang tatlong iba pa sa nangyaring aksidente sa Atimonan, Quezon kamakalawa.
Kinilala ang mga namatay na sina Dean De Gracia, 39, at Eduardo Aguilar, habang sugatan sina Formetierra Galindo, 57; Edgar Deza, 27; at Charlie Erandio, 21.
Nabatid na habang binabaybay ng truck na minamaneho ng suspek na si Eric Maupan ang kahabaan ng Maharlika Highway sa nasabing lugar nang mabangga niya ang kasalubong na tricycle na minamaneho ni Gracia.
Sa lakas ng nangyaring banggaan, sugatan si Gracia na nagresulta sa agaran niyang pagkamatay.
Habang itinakbo sa ospital ang apat na sakay ng tricycle ngunit idineklarang dead-on-arrival si Aguilar.
Sa ngayon, sumasailalim sa medikasyon ang dalawa sa mga biktima na sina Galindo at Deza habang nakalabas na sa ospital si Erandio.
Nagpapatuloy ang isinasagawang imbestigasyon ng mga awtoridad para sa mabilis na pagkakadakip sa tumakas na suspek.
