Kidnapping, gun for hire tutukan — Duterte

NGAYONG puspusan ang kampanya ng administrasyong Duterte kontra-illegal na droga ay siguradong tataas ang kidnapping at gun for hire cases kaya inatasan niya ang pulisya na tutukan din ito.

“I’m sure as the drug problem would go down, then you expect the criminality of gun for hire, and kidnapping will also rise. It just never ends,” sabi ni Pangulong Rodrigo Duterte kamakalawa sa press briefing sa Palasyo.

Sinisi ni Pangulong  Duterte, ‘mabait’ ang lipunan at ang umiiral na batas sa bansa kaya malayang namamayagpag ang mga sindikatong kriminal na hindi uubra sa mga pasistang estado.

Sinabi niya, sa Filipinas ay hindi pinahihintulutan ng batas na basta na lang sitahin ang isang sibilyan, tanungin at bulatlatin ang kanyang mga gamit.

“You know, for as long as we have a society or as long there are laws here that allows men to do this freely, they can do it because we do not — this is not a fascist state. This is not a state where you can just stop a civilian and search this person and ask question. That is not allowed under the law, our laws,” aniya.

“Kaya nagkakaroon tayo ng problema na ganoon. In autocratic countries, mahirap. Talagang… Tapos doon may death penalty, dito wala. So ‘yan ang… That is really the meat of the problem,” dagdag niya.

Inutasan din niya ang Philippine National Police (PNP) na pag-aralan  ang mga dokumentong ibinigay niya kay PNP chief Director General Ronald  dela Rosa.

Partikular ang mga lumutang na mga pangalan sa organizational structure na nakalagay sa cartolina, ng mga personalidad na sangkot sa droga o persons of interest.

Magugunitang level five lamang ang inilabas ni Duterte sa media ngunit nakasaad din sa chart ang ilang mga opisyal ng PNP, Bureau of Jail Management ang Penology (BJMP), lokal na opisyal na karamihan ay alkalde at iba pa.

Nais ng Pangulo na kumuha pa ng kompirmasyon para mas maging matibay ang mga kasong isasampa laban sa hindi pa pinangangalanang mga personalidad. ( ROSE NOVENARIO )