HATAW! D'yaryo ng Bayan hatawtabloid.com
TALAGANG naging ‘poor’ ang Poor Senyorita na itinapat ng GMA 7 sa FPJ’s Ang Probinsyano ni Coco Martin in terms of ratings game dahil hindi man lang nangalahati sa itinalang rating ng programa ng Dos na umabot sa 44% kamakailan.
Kaya ngayon ay apat na Sangre ang itatapat sa probinsyanong si Cardo, yes Ateng Maricris, ang Encantadia ang ipangtatapat ng GMA 7 sa programang kinabibilangan nina Mac Mac at Onyok, plus Benny.
Ayon pa sa kausap naming taga-GMA, handa naman daw nilang tapatan ang Ang Probinsyano dahil naniniwala silang tatangkilikin ito ng mga dating sumubaybay sa unang Encantadia.
Hirit nga namin sa taga-Siete na nakailang programa na sila at halos lahat ay nakakuha ng poor ratings at hindi kinayang talunin ang 46%, 44%, at 42% over-all ratings ng aksiyon serye nina Coco, Pepe Herrera, Maja Salvador, Arjo Atayde, John Prats, Marc Solis, at Ms. Susan Roces.
Anyway, hindi na kailangan pang magyabang ng Ang Probinsyano dahil tiyak na alam ito ng GMA na nag-aagawan ang advertisers sa nasabing serye ni Coco kesehodang tumaas ang ad rates.
FACT SHEET – Reggee Bonoan
