HATAW! D'yaryo ng Bayan hatawtabloid.com
CLARK, PAMPANGA – WALANG puknat na lifestyle check sa lahat ng mga opisyal at kawani ng pamahalaan ang ipatutupad ng administrasyong Duterte bilang bahagi ng kampanya kontra-korupsiyon.
Sinabi ni Pangulong Rodrigo Duterte sa kanyang talumpati sa 69th anniversary ng Phil. Air Force (PAF), dapat iwasan ang luho at mamuhay nang simple ang lahat ng serbisyo-publiko. “Kayo nabubuhay with extra frills, suweldo mo per diem may kinikita, this time you have to learn how to live frugally tone down if you used to buy cars for every member of family, the lifestyle check will be all year round I would know from the garage tingnan ko ilan kotse mo. Ganoon I’m sorry I have to say this to public,” wika ni Duterte.
Umaasa rin si Duterte na matutuldukan ni Customs Commissioner Nicanor Faeldon at Bureau of Internal Revenue (BIR) Commissioner Cesar Dulay ang korupsiyon sa mga ahensiyang kanilang pinamumunuan.
Tiniyak ni Duterte na tututukan niya ang magiging kaganapan sa Customs at BIR para matiyak na matitigil ang katiwalian sa mga naturang ahensiya na nauna niyang tinaguriang kabilang sa “most corrupt agencies.”
( ROSE NOVENARIO )
