Publiko duda, walang tiwala sa gobyerno

SINABI ni Pangulong Rodrigo Duterte na layunin ng kanyang liderato na ibalik ang tiwala ng mga mamamayan sa gobyerno.

Sa kanyang inaugural address, sinabi ni Duterte, kabilang sa pinakamalaking problemang kinakaharap ng bansa ay kawalan na ng kompiyansa ng mamamayan sa mga awtoridad.

Ayon kay Duterte, kabilang na rito ang nawawalang tiwala sa judicial system at duda sa kakayahan ng government officials na pagandahin ang buhay ng mamamayan at tiyakin ang kanilang kaligtasan.

Ngunit tiwala si Duterte na hindi pa huli ang lahat at may magagawa pa para maisaayos ang problema lalo sa maigting na kampanya laban sa korupsyon at kriminalidad.

“Erosion of faith and trust in government – that is the real problem that confronts us. Resulting therefrom, I see the erosion of the people’s trust in our country’s leaders; the erosion of faith in our judicial system; the erosion of confidence in the capacity of our public servants to make the people’s lives better, safer and healthier. Indeed ours is a problem that dampens the human spirit. But all is not lost,” ani Duterte.