Dating sikat na actor, baon pa rin sa utang

BAON pala sa utang ang dating sikat na aktor kaya nagtatago ngayon at hindi mahagilap sa bahay na alam ng lahat kung saan siya nakatira.

Ayon sa common friend namin, ”akala ko nga makababayad na siya sa mga pinagkakautangan niya kasi nagkaroon siya ng project sa TV, kaso hindi naman nagtagal, kaya hayun, hindi pa rin nakapag-abot sa mga kaibigan namin.

“Hayan, nagpalit na rin ng numero, hindi na matawagan ang number niya sa cellphone, pati sa bahay, laging wala, hindi raw doon umuuwi. Wala namang ibang bahay ‘yun (aktor).

“Kasi noong kainitan niya, hindi siya nag-ipon, puro pambababae ang inatupag niya, hindi naman siya forever na sikat. Ang dami niyang inistorbong tao, eh.

“Daming nag-invest sa kanya kasi nagtayo ng business kuno, wala naman pala nangyari.”

Oo nga, buhay pa ba ang aktor? Wala na rin kaming balita sa kanya simula noong huling nakita namin sa presscon ng isang serye.

 (Reggee Bonoan)