HATAW! D'yaryo ng Bayan hatawtabloid.com
ALIW na aliw ang press sa pag-amin ni Jerome Ponce na crush niya ang kanyang Wansapanataym Candy’s Crush leading lady na si Loisa Andalio.
“Actually, noong ‘PBB’ days, may paghanga (ako kay Loisa).
“’Yun sinabi sa ‘yo ni Janella (Salvador), ‘yun ‘yon. Tapos eto, alam kong andiyan si Joshua (Garcia), naging kakulitan. And hindi naman po kasi ako na parang naroon ‘yung utak ko sa crush ko, ipupursige ko o ano. Andoon ako sa ini-enjoy ko lang ‘yung araw-araw ko na trabaho, i-enjoy ko na rin.
“Kasi ano, nangyari kasi mayroong one time may sinasabi si Janella. May sinabi ako kay Janella, inamin ko na crush ko siya (Eloisa). Sa kanya ko lang inamin ‘yun, tapos sinasabi niya (Loisa), akala niya na may sinasabi akong masama tungkol sa kanya.
“Tapos nang sinabi ni Janella sa kanya na crush ko siya, hindi siya naniwala. Siguro at least alam na niya ngayon. Kaya ikinatuwa ko na hindi niya alam. Ngayon, alam na niya, ‘yun.”
‘Yan ang mahabang chika ni Jerome.
So, ang feeling ba niya ay made-develop siya kay Loisa now that they are taping for Candy’s Crush?
“I don’t know. Siguro depende sa oras. Hindi pa roon naka-set ang utak ko. Naka-set lang ako sa kung ano siya. Masaya ako ka-work siya and enjoy talaga ako kasi open, dahil wala kang inisip na malisya. Wala kang iniisip na parang ginagamit ko ‘yung work para dumiskarte sa kanya, na ginagamit ko ‘yung work para mapalapit sa kanya. Ito siguro ‘yung ibinibigay sa amin na chance,” say ng binata.
“Nabigla ako roon. Ikaw talaga Ponce, ha. Kasi si Jerome lagi niya akong inaasar, ‘yung ano, parang nagti-trip lang kaya hindi ko po ini-expect na may crush siya sa akin noon,” reaction naman ni Loisa.
UNCUT – Alex Brosas
