Kiray, paborito ng Regal

TUMATANAW ng malaking utang na loob si Kiray Celis sa Regal Entertainment nasiyang sumugal para gawin siyang bida sa pelikula.

“Nagulat ako sa Regal kung bakit sila sumugal ng ganito kalaki sa akin. Kaya sobrang nakaka-proud lang kasi ang laki ng tiwala nila sa akin sa pangalawang pagkakataon,” say ni Kiray na bida uli sa I Love You To Death matapos ang highly successful na Love Is Blind.

“Hindi ako magpapakaipokrita. Kumita kasi ang ‘Love is Blind’ nang hindi nila inaasahan. Sumugal sila ng…alam mo ‘yung feeling na sige i-try natin. Alam ko siyempre try ‘yun, eh, kasi hindi mo naman malalaman kung magiging successful kung hindi mo susubukan. At noong sinubukan nila, ay iba. Nagulat din sila kasi nga ang ganda ng kita namin. Wala kaming masyadong promo,” dagdag pa niyang paliwanag.

Aminado si  Kiray na mas mabigat ang pressure now dahil sila lang ni Enchong Dee ang pinakabida sa I Love You To Death.

“Hanggang ngayon natatakot talaga ako, pero ang pinaghuhugutan ko ‘yung feeling na kapag nakakabasa ako ng maganda tungkol sa ‘Love Is Blind.’ Ang feeling ko ay panonoorin nila ang movie ko na pangalawa kasi nga natutuwa sila. Feeling ko, sa movie na ito ay mas ibinigay ko ang lahat, mas umarte ako,” say pa niya.

UNCUT – Alex Brosas