HATAW! D'yaryo ng Bayan hatawtabloid.com
TINATAMAD ba kayo sa pagtupi ng inyong mga nilabhan? Kung ganoon ay kailangan n’yo ng FoldiMate.
Ang magical machine na ito ay kayang tupuin, i-steam, i-sanitize, palambutin gayondin ay pabanguhin ang inyong mga nilabhan sa ilang segundo lamang.
Ang FoldiMate ang bahala sa inyong mga nilabhan makaraan itong matuyo sa dyer.
Isabit lamang ang mga damit sa ‘loving arms’ ng FoldiMate, ayon sa promotional video, gagamit ang makina ng steam para maalis ang gusot habang ito ay maayos na tinutupi.
Huwag kalimutang paganahin ang paglalagay ng pabango o sanitizing spray sa inyong mga damit para sa extra boost.
At pagkatapos ay voila! Hayan na ang laundromat-grade pile ng mga damit.
Magsisimula ang FoldiMate ng pagtanggap ng pre-orders sa 2017. Kapag ito ay nasa merkado na, ito ay magkakahalaga ng mula sa $700 hanggang $850, ayon sa FoldiMate website.
(THE HUFFINGTON POST)
