HATAW! D'yaryo ng Bayan hatawtabloid.com
MUKHANG inaabangan na ng netizens ang paglaki ni baby Scarlet Snow Belo dahil sa tuwing may ipino-post na litrato ang biological parents nitong sina Dra. Vicky Belo at Dr. Hayden Kho ay talagang puro puri ang komento.
Oo nga naman, super-cute naman talaga si Scarlet Snow na parehong kamukha ng parents niya.
Isa ang Hataw sa naglabas ng balitang tunay na anak nina Dra. Belo at Hayden si Scarlet Snow sa pamamagitan ng surrogate mother na kuwento sa amin ni Direk Quark Henares sa presscon ng My Candidate noong nakaraang buwan.
Naging malaya na ring nakakapag-post ng litrato sina Dra. Belo at Hayden ng tungkol sa lahat ng nangyayari sa anak nila.
Dati-rati ay bihira naming silipin ang Instagram account ni Dra. Belo pero ngayon ay napapadalas na dahil ang laman nito ay puro si Scarlet Snow.
Komento ng mga sumusubaybay sa bagets, ”ang cute at halatang mayaman, ang ganda ng kutis, ikaw ba naman ang maging anak ni Belo. Kamukhang-kamuha nila ni Hayden, hindi maikakaila.”
Magkamukha talaga ang mag-ina at talagang cute pa nang magpatahi si Dra. Belo ng damit na pareho sila, ”mother and daughter dresses by Maureen Disini. It’s so much fun being a mother of a baby again.”
Mukhang sabik na rin si direk Quark sa bata dahil parati niyang nilalaro ang bunsong kapatid at kinukunan ng video na ipo-post naman ni Dra. Belo, ”Thank you Heavenly Father for @scarletsnowbelo who is so sweet and pure. She grounds us and brings back the child like wonder with the happiness she gets from the simplest things. Thank you@quarkhenares for this video.”
FACT SHEET – Reggee Bonoan
