HATAW! D'yaryo ng Bayan hatawtabloid.com
NAPANOOD namin ang Pare, Mahal Mo Raw Ako.
For us, ito na ang pinakamatinong romantic gay comedy na aming napanood. Perfect ang cast, maganda ang premise ng kuwento, walang boring moments at diretso ang mga dayalog.
Pinakamahusay si Edgar Allan Guzman bilang closet gay na may gusto sa kanyang best friend played by Michael Pangilinan.
Super galing ni Allan sa eksena nang ipagtapat na niya kay Michael na bading siya at may gusto siya rito. His eyes were also acting. Nakaiiyak ang eksenang iyon. It brought us tears. Napamura talaga kami sa galing ni Allan.
Si Michael, bagamat baguhan ay nakaarte naman bilang handsome guy na minahal ng kanyang best friend. Kung mahahasa pa siya nang husto ay malaki ang kanyang potential sa acting.
Kahit ilang eksena lang sina Nora Aunor at Anna Capri ay markado naman. Walang kupas ang Superstar lalo na roon sa eksena na magkayakap silang mag-ina ni Allan.
Kuwela sina Joross Gamboa and Matt Evans. Perfect ang timing nila sa comedy. Ang galing-galing nilang magbitiw ng kanilang crispy lines.
Kahit na ilang eksena rin si Miggy Campbell ay magaling din siya.
Showing na sa June 8 ang Pare, Mahal Mo Raw Ako. Go watch it and enjoy the movie.
UNCUT – Alex Brosas
