Ex-military rebels itatalaga sa BuCor at Bureau of Customs

IPINAHIWATIG kahapon ni incoming Justice Secretary Vitallano Aguirre, pinag-aaralan ni President-elect Rodrigo Duterte na ilagay bilang pinuno ng Bureau of Corrections (BuCor) si retired B/Gen. Danilo Lim.

Sinabi ni Atty. Aguirre, isang matapang na tulad ni President Duterte ang kailangan para patinuin ang BuCor.

“We need someone tough like General Lim. Among those recommended to me, to be recommended to the President, he’s one that I believe in,” paliwanag ni Aguirre.

Kapag inaprubahan ni Duterte ang kanyang rekomendasyon para kay Gen. Lim sa BuCor, siya ang magiging ikalawang military rebel sa Duterte administration makaraan italaga ng incoming president si ex-Marine Capt. Nicanor Faeldor sa Bureau of Customs.

Magugunitang kabilang si Lim sa nag-alsa sa panahon ni dating Pangulong Gloria Macapagal-Arroyo noong 2006 at nabigyan ng amnestiya ni Pangulong Benigno Aquino III.

Nanguna rin si Lim sa kudeta laban kay dating Pangulong Cory Aquino noong 1989.