Sam, wish na magkaroon ng award

KAARAWAN ni Sam Milby noong Lunes, Mayo 23 at isa sa wish namin sa leading man ni Julia Montes sa Doble Kara ay magkaroon ng acting award at natuwa naman siya sabay sabing, ”ha, ha, ha, sana po.”

Sampung taon na sa showbiz career niya si Samuel Lloyd Lacia Milby at hindi pa siya nakakukuha ng award pagdating sa pag-arte kaya ito raw ang wino-work out niya na sana mapansin din siya.

Pa -hulaan kung sino ang girlfriend ngayon ng aktor base na rin sa panunukso ng mga kaibigan niyang sina Rayver Cruz at Gerald Anderson sa nakaraang album launch ng una na may titulong What You Want.

Samantala, nangunguna pa rin sa ratings game ang Doble Kara na napapanood saKapamilya Gold na nagtala ng 19.8% noong Martes (May 24) ayon sa datos ngKantar Media. Ito rin ang pinakabagong all-time high rating na naitala ng programa.

Sa pagbabago sa buhay ni Kara ay ang mga panibagong pagsubok na haharapin ni Sara ngayong malaki na ang anak niyang si Rebecca.

Makayanan pa rin kayang malagpasan ni Sara ang hirap ng buhay mag-isa? Paano kaya mababago ni Hannah ang buhay ni Kara?

FACT SHEET – Reggee Bonoan