HATAW! D'yaryo ng Bayan hatawtabloid.com
UNANG sabak pa lang sa pelikula ni Michael Pangilinan ay bida na agad siya via Pare Mahal Mo Raw Ako mula sa panulat at direksiyon ni Joven Tan. Kapareha niya rito si Edgar Allan Guzman na gumaganap bilang best friend niya na isang bading na na-inlove sa kanya.
Sa presscon ng pelikula ay sinabi ni EA (palayaw ni Edgar Allan) na may kuya siyang bading, kaya raw malapit siya sa mga member ng third sex. Sa mga nagsasabi na magaling siyang umarte, na mabilis siyang umiyak, ‘yun daw ay dahil sa kanyang kuya. Ito raw kasi ang iniisip niya kapag malungkot o may problema ito.
Dahil sa kanyang kuya, kaya naiintindihan ni EA ang damdamin ng mga bading. Kung halimbawang may isa siyang kaibigang bading na magkagusto o ma-inlove sa kanya ay hindi niya ito lalayuan. Kung magtatapat ito sa kanya ay ire-reject niya ito in a nice way. Sasabihin niya lang dito na sa iba na lang ito magkagusto dahil hindi sila talo, na hindi niya magagawang pumatol sa kapwa niya lalaki.
Pero hindi naman daw isinasara ni EA ang posibilidad na pumatol siya sa bading. Ayaw daw niyang magsalita ng tapos na hinding-hindi siya makikipagrelasyon o papatol sa bading. Basta sa ngayon daw ay hindi niya ito iniisip o magagawa.
Showing na sa June 8 ang Pare Mahal Mo Raw Ako.
MA at PA – Rommel Placente
