HATAW! D'yaryo ng Bayan hatawtabloid.com
BALIK-HURADO si Sarah Geronimo sa bagong reality show ng ABS-CBN na ang sinabing concept sa amin ay making of a boyband.
Nagulat kami dahil ang akala namin ay ayaw na ni Sarah magkaroon pa ng isa pang show bukod sa ASAP20 dahil gusto raw niyang bumalik sa pag-aaral?
Kaya nga niya tinanggihan ang The Voice Kids 3 bilang isa sa voice coach at pinalitan siya ni Ms. Sharon Cuneta na.
Narinig mo ‘yan Ateng Maricris nang minsang makatsikahan natin ang taga-ABS-CBN sa isang presscon ay may bagong reality show pala si Sarah G na may kinalaman sa pagtuklas ng boyband.
At sa tanong namin kung ano ang role ni Sarah sa bagong reality show ng Dos, “parang one of the judges siya, I think.”
Kaya ang running joke ng mga kasamahan sa trabaho, “baka naman hindi natuloy ang plano nila ni Matteo (Guidicelli) dahil biglang dumagsa ang offer sa kanya (Matteo)?”
Ano ang plano, “mag-asawa, ano pa ba, onders na lola mo, beinte otso na,” mabilis na sabi sa amin.
Parang hindi naman din ganoon ang plano pa dahil hindi pa handa si Sarah na iwan ang pamilya samantalang si Matteo naman ay sinasamantala ang maraming offers sa kanya.
FACT SHEET – Reggee Bonoan
