Ana Capri, favorite singer si Sarah Geronimo

TALENTED talaga itong si Ana Capri. Bukod kasi sa pagiging magaling at award-winning actress, may iba pang taglay siyang talento bilang alagad ng sining. Nagpe-paint din kasi si Ana, plus, singer siya at nagko-compose rin ng kanta.

“Gusto kong maging singer if given a chance. I like to sing and when I have time I write songs. I like Nora Jones, Diana Ross, Madonna. I do shows po. Mas active lang po sa acting,” saad sa amin ni Ana.

Dagdag pa niya, “Ellie Goulding gusto ko rin, I like singers na calming yung voice.”

Sinong local artist ang favorite mo and why? “I like Joey Albert, Aegis, Asin, Sarah Geronimo, they’re good and yung song nila, nakaka-relate ako,” wika pa ng aktres na so far, tatlong songs na ang na-compose.

Si Sarah lang ang medyo bata sa favorite singers mo, bakit mo siya nagustuhan?

“Well, kasi si Sarah, total performer siya and she can hit the notes… Very flexible rin siya, she can do all songs. Kumbaga, total package kasi si Sarah as an artist,” esplika ni Ana.

Nabanggit din ni Ana sa amin na plano niyang magkaroon ng first art exhibit very soon. Sa acting projects naman, bukod sa pagiging abala sa pelikula ay in-demand din sa TV shows si Ana.

Mapapanood din si Ana sa pelikulang Pare Mahal Mo Raw Ako ni Direk Joven Tan na tinatampukan nina Edgar Allan at Michael Pangilinan. Si Ana bale ang lover dito ng Superstar na si Nora Aunor.

Anyway, isa si Ana sa special guest sa show na Voices of Love na gaganapin sa Music Box sa May 29 (Sunday). Tampok dito ang mga promising singers na sina Alyssa Angeles, Erika Mae Salas, Josh Yape, at Sarah Ortega. Front act naman dito sina Janna Manuela Enriquez, Adrian Desabille, Stephanie Bangcot, Aizert Ann Bolivar, at Katherine Grace Galleto.

Bukod kay Ana, special guest dito sina Michael Pangilinan, Tori Garcia, at ang versatile na singer/comedian na si Mojack Perez. Ito’y mula sa direksiyon ni Throy Catan.

ALAM MO NA! – Nonie V. Nicasio