Ritz, no boyfriend since birth

SA totoo lang, marami ang ‘di makapaniwala sa sinabi ni Ritz Azul na never pa siyang nagkaroon ng boyfriend. Na wala pa siyang karanasan sa pakikipagrelasyon.

Gusto ko siyang palakpakan, kasi bihira na lang sa mga babae ang ganyan. Na nasa 20’s na pero never pang nagka-boyfriend, eh, ang ganda-ganda ni Ritz at sexy pa.

Pero ibahin natin si Ritz. Nagsusuot man siya ng sexy naroon pa rin ang  pagiging dalagang Filipina. Naroon pa rin ang pagiging probinsiyana.

Sa totoo lang, maraming lalaki ang nagpapalipad-hangin kay Ritz kahit noong nasa TV5 pero hindi niya ito pinapansin dahil career at trabaho  ang main goal niya kaya siya nag-showbiz.

Kung patuloy ang pagkinang ng pangalan ni Ritz sa Dos, isa sa magiging claim to fame niya ay ang pagiging NBSB.

Any moment ay uumpisahan na ni Ritz ang The Promise of Forever  kasama sina Paulo Avelino at Ejay Falcon.

Parehong matinik sa chiks ang dalawa.

Mapaninindigan kaya ni Ritz ang pagiging No Boyfriend Since Birth the moment na pormahan na siya nina Ejay at Paulo?

MAKATAS – Timmy Basil