Move-on, healing na — Digong (Panawagan sa presidentiables)

INIHAYAG ni Davao City Mayor Rodrigo Duterte, hindi niya maipaliwanag ang kanyang pakiramdam makaraan makalamang nang ilang milyon laban sa mga katunggali sa presidential race.

Sinabi ni Duterte, naniniwala siyang ‘destiny’ o kaloob ng Diyos ang kanyang napipintong panalo sa eleksiyon.

Ayon kay Duterte, kung mananalo nga siya, ipinangangako niyang magtatrabaho siya para mapagsilbihan ang mga kababayan.

Ipinarating na rin ni Duterte ang kanyang hangaring makipag-ayos sa mga nakalaban sa presidential race at simulan na ang ‘paghilom’ para sa pagkakaisa ng lahat.

Tapos na aniya ang mainit na kampanya at panahon na para makapag-move-on.