HATAW! D'yaryo ng Bayan hatawtabloid.com
LUMALABAS na medyo kalmado lang si Jason Francisco sa ginawang pambu-bully ng isang supporter ni Mayor Rodrigo Duterte sa kanilang anak sa social media.
So far ay wala pang nasampolan sa bagong law na Anti-Cyber Bullying pero desidido ang komedyanang si Melai Cantiveros na mabigyan ng katarungan ang ginawapang paglapastangan ng isang basher na supporter ni Mayor Duterte.
Nang malaman ng basher na supporter si Melai ni Mar Roxas ay walang preno na itong nagbigay ng kanyang comment at sana raw ay ma-rape ang anak ni Melai.
Of course, super foul ito at maski sa akin gawin ‘yan ay magwawala ako.
Kaya nga sa tuwing magpo-post ako sa paborito kong presidentiable , may pasubali kaagad ako na kapag may magko-comment ng masama o sasalungatin ang sinabi ko, automatic block kaagad siya.
Masasabing hindi seryoso sa buhay si Melai at palagi siyang nagpapatawa pero this time, seryoso siya, nararamdaman ko ‘yun.
At ang babaeng basher na ito, baka ito ang unang masampolan ng bagong batas na nilikha para protektahan ang mga tao na nabu-bully.
MAKATAS – Timmy Basil
