Baby Go, isa sa guest of honor sa 3rd anniversary ng PARDSS

PATULOY sa pagiging aktibo sa iba’t ibang larangan ang Lady Boss ng BG  Prodcutions International na si Ms. Baby Go. Kamkailan ay isa siya sa naging guest of honor at speaker sa 3rd anniversary ng PARDDS na ginanap sa PNP Multi-Purpose Center sa Camp Crame last April 24.

Ang PARDSS na ang ibig sabihin ay Public Assistance for Rescue, Disaster, and Support Services ay pinamumununa ng president nitong si Ms. Pres. Arcie D. Fabon.

Bukod kay Ms. Baby, guset of honor din sa nasabing okasyon si Congressman Ferdinand Martin Romualdez na tumatakbo ngayon bilang senador. Guest of honor dito si Mr. Hitesh P. Patel ng India.

Ayon kay Ms. Baby, two years ago nang nagging member siya ng PARDSS, nagbigay din daw siya ng donasyong isang libong pares ng tsinelas para sa grupong ito.

Sa naturang araw ding iyon, naging isa naman sa judge si Ms. Baby sa Master United Continents Philippines na ginanap sa Tanghalang Pasigueno Pasig City.

Iniusisa rin namin siya sa natanggap na tropeo kamakailan 36th Oporto International Film Festival sa Portugal.

“Siyempre masaya ako. Ang mga movie ng BG Productions kasi ay kinikilala, hindi lang dito sa atin, kundi pati sa abroad. Kaya patuloy kaming gumagawa ng mga makabuluhang pelikula.”

Ano ang sikreto niya ng mga tagumpay na ito? “Unang una, hard working ako. 24/7 ang trabaho ko, walang pahinga. At pangalawa syempre dedicated tayo, mahal ko ang negosyo ko, mahal ko ang trabaho ko, mahal ko lahat, mahal ko ang paggawa ng pelikula,” nakangiting saad pa ni Ms. Baby.

ALAM NA! – Nonie V. Nicasio