HATAW! D'yaryo ng Bayan hatawtabloid.com
DOLL along the riles!
Sa bansag na ito nakilala ang dating Pinoy Big Brother 737 housemate na naging GirlTrends member na si Barbie Imperial.
At ngayong Sabado (Abril 30), ang life story niya ang ibabahagi nito sa episode ng MMK (Maalaala Mo Kaya) na makikipagtagisan siya sa aktingan with Aiko Melendez na gaganap bilang ina niyang si Marilyn.
At sa istorya nga ng mag-iina, mag-isang itinataguyod si Barbie at mga kapatid niya, pero sa kabila nito eh, patuloy na hinahanap ni Barbie ang kalinga at pagmamahal ng kanyang ama.
Akala ni Barbie dapat na siyang makuntento sa pagmamahal at pagkalinga ng ina, pero naibulalas pa rin niya ang pangungulila sa ama nang sumali siya sa PBB. Na ikinasakit naman ng loob ng kanyang ina.
Habambuhay na ba nitong malalagyan ng lamat ang relasyon nilang mag-ina?
Kasama sa naturang episode ng MMK sina Ashley Sarmiento, Carlos Morales, Lance Lucido, Paolo Santiago, Dianne Medina, Joj Agpangan, EJ Jallorina, Mikylla Ramirez, Cheska Billiones, at Lowell Conales. Ang episode ay sa ilalim ng direksiyon ni Dado Lumibao, at panulat ni Benson Logronio.
Ang MMK ay pinamumunuan ng business unit head nito na si Malou Santos.
Huwag palampasin ang longest-running drama anthology sa Asya, ang MMKtuwing Sabado ng gabi sa ABS-CBN ABS-CBN o ABS-CBN HD (SkyCable ch 167). Panoorin nang libre ang latest episodes nito sa iwantv.com.ph o saskyondemand.com.ph para sa Sky subscribers.
HARDTALK – Pilar Mateo
