12-anyos todas sa lapa ng aso

NAGA CITY – Patay ang isang 12-anyos batang lalaki makaraan atakehin ng aso sa Brgy. Sabang, Vinzons, Camarines Norte kamakalawa.

Kinilala ang biktimang si Fortunato Guinto, Jr., 12-anyos.

Nabatid na naliligo sa ilog ang biktima kasama ang dalawang kalaro nang atakehin sila ng isang grupo ng mga aso.

Isa sa mga aso ang tumalon sa ilog at sinunggaban ang mga biktima.

Ngunit nagawang makatakbo ng dalawang kalaro habang naiwan si Guinto.

Mabilis na nagres-ponde ang mga barangay tanod sa lugar at naiahon sa tubig ang bata ngunit dahil sa mga sugat sa katawan bunsod ng mga kagat ng aso ay hindi na naisalba ang kanyang buhay.