Pagtitiyaga ni Sarah, nagbunga na!

LABADA ni Lahbati! Ang pagiging patient really pays off for Sarah Lahbati na ang kakayahan sa pagsasayaw eh, naibahagi na ng maraming beses sa  ASAP sa ABS-CBN.

But of course, gusto pa rin siyang makitang nag-e-emote sa harap ng camera ng mga tagahanga nila ng mister na si Richard Gutierrez and their whole clan!

Kaya naman itatambal sa unang pagkakataon si Sarah sa kapwa Kapamilya na si Ejay Falcon sa MMK (Maalaala Mo Kaya) sa Sabado (April 23) para ibahagi ang isang kuwento ng pag-ibig at pagkakaibigan.

Simula pa lang, tila itinadhana na sa isa’t isa sina Mia (Sarah) at NJ (Ejay) na nagsimula ang love story sa kolehiyo. Masaya ang unang taon ng kanilang samahan, na sinubok din nang pumanaw ang ama ni Mia at nang operahan sa likod si NJ.

Kahit na nalampasan nila ang malalaking hamong ito, nagsimula rin ang sunod-sunod at madalas na pag-aaway ng dalawa, hanggang sa nauwi ang relasyon sa isang mapait na hiwalayan.

Ngunit isang araw ay nagdesisyon ang dalawang magkita matapos ang matagal na panahon. Kaya bang kalimutan nina Mia at NJ ang sakit na naidulot nila sa isa’t isa para maalala ang masasayang nagdaan sa kanila?

Kasama sa naturang episode sina Dante Ponce, Jobelle Salvador, Shey Bustamante, Alexis Navarro, Margo Midwinter, Noemi Oineza, Guji Lorenzana, at Karen Timbol. Ang episode ay idinirehe ni Giselle Andres at isinulat ni Joan Habana. Ang MMK ay pinamumunuan ng business unit head nito na si Malou Santos.

Huwag palampasin ang longest-running drama anthology sa Asya, Amg  MMK tuwing Sabado ng gabi sa ABS-CBN ABS-CBN o ABS-CBN HD (SkyCable ch 167). Panoorin ng libre ang latest episodes nito sa iwantv.com.ph o skyondemand.com.ph para sa Sky subscribers.

Speaking of Jobelle, na nagiging suki na ng MMK, panay pa rin ang wish nito na after ng You’re My Home eh, mabigyan pa siya ng mas challenging roles in the future.

Mukhang may pagsisisi on the part of Jobelle now dahil sa mga pinalampas niyang offers sa indie world na bida pa mandin sana ang sasalangan niya. One went to Gina Alajar. And another to Ai Ai delas Alas.

Sabi nga, ‘a moment gone is gone forever’. Kanta ba ‘yun?

HARDTALK – Pilar Mateo