Presidential bets Jojo Binay at Digong Duterte nagbabangayan na

NOONG napanood natin ang Pili/PINAS Debate para sa mga presidential bets nitong March 20 sa University of the Philippines Cebu, ‘nakyutan’ tayo sa bak-apan at purihan nina Vice President Jejomar Binay at Davao City Mayor Rodrigo “Digong” Duterte sa isa’t isa.

Ang sabi pa nga ni Digong, “We are (siya at si Binay) the only qualified candidates to run for the president.”

Kahit halatang nagpaplastikan lang ay marami tayong mga kababayan ang bumilib sa dalawang presidentiable.

Pero makaraang manguna na sa survey si Duterte, nagulat tayo nitong mga nakaraang araw lang, nang biglang magbanatan na ‘yung dalawa.

Ang sabi ni Binay, si Duterte ay pambansang berdugo dahil sa ipinamamarali niyang sa Davao City itinutumba ang mga kriminal.

Pero biglang bumuwelta si Duterte at sinabihan si Binay na, “Ako ba ang berdugo? Ikaw ang tunay na berdugo, berdugo ng pera ng bayan!”

Wattafak!?

Ano bang nangyari sa inyong dalawa at bigla na kayong nagbakbakan?!

Ngayon pa lang, nakanenerbiyos na kung isa sa kanila ang manalong presidente.

Para silang mga robot na pinagagalaw ng kanilang mga political operator.

Dahil laglag pa rin si Mar Roxas, si Miriam ay may problema sa kalusugan, si Grace Poe ay biglang bumaba sa survey, kaya sina Binay at Duterte na lang ngayon ang nagtutumbahan at nag-uupakan.

Ganyan talaga ang politika. Parang bump car. Kailangan magbanggaan hanggang maisadsad sa gilid ang kalaban.

Alam ng ibang kandidato na hindi maaaring maliitin ang kahandaan ni Binay sa eleksiyong ito.     

Sa lahat ng kandidato, si Binay ang masa-sabing organisado sa lahat ng aspekto.

Kaya nga siya ang gustong puruhan ng administrasyon noon.

But sorry to say, ang upak ng mga ‘dilawan’ ay pinakinabangan nina Grace Poe at Duterte.

Kung bumaba man ang ratings ni Binay sa survey, hindi rin ito pinakinabangan ni Mar.

Ang mga nadesmaya kay Binay ay lumipat kay Grace at kay Digong.

Pero nang bumanat si DUTERTE ng: “I am a Filipino, I love my country, the land of my people, the land of my birth,” biglang dumausdos ang rating ni Grace.

Hindi ba’t malinaw na si Grace ang tinutumbok ng pol ads na ‘yan ni Duterte?

Alam po nating hindi ganoon kabilis na maii-scrutinize ng ordinaryong mamamayan kung ano ang tunay na layunin ng political ads na ‘yan.

Hindi po iyan patriotismo kundi patama sa kanyang kalaban sa politika.

Kaya nga, komo nangunguna ngayon sa survey si Duterte, si Binay naman ang kanyang inuupakan.         

At siyempre, ganoon din naman si Binay.

Simpleng-simple lang, it’s now ‘dog eats dog’ ang labanan.

Sabi nga ng isa nating kahuntahan, “Putting politics on your plate is like cooking a ‘shit’ in your kitchen.  

 ‘Yun lang!

Para sa mga reaksiyon, suhestiyon, reklamo at sumbong, magtext sa 0926.899.91.27 o mag-email sa [email protected]. Para sa mga nakaraang isyu ng BULABUGIN please visit https://hatawtabloid.com