Roque, kompiyansa sa lakas ni Ipe

HINDI niya kapartido si Phillip Salvador, pero kung si Mayor Enrico Roque ng Pandi, Bulacan ang tatanungin, may tulog daw ang mga kalaban ng actor sa pagka-Bise Gobernador ng lalawigan.

Kuya Ipe is with National People’s Coalition (NPC) samantalang nasa Partido Liberal naman si Enrico na tumatakbo sa kanyang ikatlo at huling termino. Siyempre, ibang vice governatorial candidate ang isinusulong ng pangkat ni Mayor Enrico, pero dahil sa lalim ng pinagsamahan nila ni Kuya Ipe ay tahasang sinabi ng una that his support goes out to the seasoned actor.

“Mahal ko si Kuya Ipe, kapamilya na ang turing ko sa kanya,”deklarasyon ni Mayor Enrico whose younger brother Ricky ay tumatakbong vice mayor niya.

Parang nakikini-kinita na namin ang masaya at mataong twin victory party ‘pag nagkataon kung papalarin si Kuya Ipe sa minimithing puwesto at muling pagkapanalo ni Mayor Enrico sa kanyang bayan.

For sure, star-studded ang pagtitipong ‘yon! Ikaw ba naman ang may kaibigan sa katauhan ni Cristy Fermin whose art gallery ay booking agency na rin ng mga artistang kinukuha para sa mga political events!

Di ba, Japs Gersin?

HOT, AW! – Ronnie Carrasco III