Jen, aminadong sobrang pressured sa Just The 3 of Us

AMINADO si Jennylyn Mercado na sobra-sobra ang pressure na nararamdaman niya lalo ngayong nalalapit na ang pagpapalabas ng pelikulang pinagsamahan nila ni John Lloyd Cruz, ang Just The 3 of Usmula Star Cinema at inidirehe ni Cathy Garcia Molina.

Bukod kasi sa pawang mga block buster ang pelikula ni Lloydie with other leading ladies, nakadagdag pa na nasabay ang pagpalabas ng Just the 3 of Us sa Captain America: Civil War sa Abril 27.

“Grabe ‘yung pressure,”  pag-amin ni Jen nang makausap namin ito sa set visit sa kanila sa Pampanga. ”Pero ayaw kong mag-expect ng kahit ano. Siyempre ‘yung mga ginawa niyang pelikula puro mga blockbuster so nakakatakot na baka hindi ko mapantayan,” giit pa ng aktres.

Sinabi pa ni Jen na bukod dito’y natakot din siya na isang magaling na actor si Lloydie gayundin ang kanilang director. ”Pressure sa akin ‘yung magaling na actor si John Lloyd.”

Sa kabilang banda, nakiusap naman si direk Garcia-Molina sa publiko na tangkilikin ang Just The 3 of Us. ”Wala akong sinasabi na huwag niyong panoorin ang ‘Captain America.’ Pagkapanood niyo ng ‘Captain America’ panoorin niyo rin kami,” giit ni Garcia-Molina.

SHOWBIZ KONEK – Maricris Valdez Nicasio