HATAW! D'yaryo ng Bayan hatawtabloid.com
BAGAMAT katatapos lang kanilang top-rating primetime series na Pangako Sa ‘Yo sa Kapamilya Network, parang hindi naman masyadong namimiss ng ‘di mabilang na fans ang Teen King na si Daniel Padilla at ang Teen Queen na si Kathryn Bernardo.
Paano naman, ‘di nga napapanood ng fans ang dalawang sikat na teen stars sa telebisyon, nakikita naman nila ang dalawa ng live at in person dahil aktibo ang dalawa sa pag-iikot sa iba’t ibang panig ng bansa sa kanilang solid na suporta para sa pambato ng Liberal Party sa pagka-Presidente na si Mar Roxas.
Ito ang isa sa mga pinagkakaabalahan nina Daniel at Kathryn bukod sa pelikulang gagawin nila sa ilalim ng Star Cinema. Hindi talaga makukuwestiyon ang kasikatan at kainitan ng dalawang magagaling na batang aktor at aktres dahil talagang nagkakagulo ang mga tao kahit saan sila magpunta. Bibihira nga naman na makasalamuha ng fans sina Daniel at Kathryn ng malapitan lalo na sa mga malalayong probinsiya ng bansa.
Manghang-mangha ang mga kababayan natin sa kaguwapuhan ni Daniel at kagandahan ni Kathryn at halos lahat ay kinikilig sa sweetness ng dalawa.
Ngayon pa lamang ay lalong nae-excite ang fans sa mga upcoming project nina Daniel at Kathryn. Hindi pa malinaw kung ano ang genre ng kanilang next project pero ang tiyak, kahit ano pa ito, ay tiyak na papatok sa masa dahil iba talaga ang hatak ng KathNiel love team na talaga namang napamahal sa milyon-milyong mga Pinoy.
SHOWBIZ KONEK – Maricris Valdez Nicasio
