Kikay at Mikay, planong isali sa Ang Panday ni Richard Gutierrez

PUMIRMA kamakailan ng five year contract ang mga bibong bata na sina Kikay at Mikay sa Viva Artist Center. So far, plano ng pamunuan ng Viva na sina Ms. Veronique at Boss Vic del Rosario na ipasok sina Kikay at Mikay sa TV series na Ang Panday ng TV5 na pinagbibidahan ni Richard Gutierrez.

Magandang break ito sa dalawang cute na bata na labis kaming natutuwa dahil sa pagiging sobrang talented nila. Na kahit sa kantahan at pagra-rap, sa pag-arte, at sa pagsayaw ay magaling at game sila lagi.

Si Kikay ay 7 years old, samantalang si Mikay ay 10 years old naman.

Ayon sa mother ni Kikay na si Mommy Diana Jang, as early as three years old pa lang si Kikay at 5 years old pa lang si Mikay ay hilig na nila ang kumanta at mag- acting. Esplika pa ni Mommy Diana, “Everytime na they watch It’s Showtime, sinasabi nila na gusto nilang pumunta roon dahil gusto rin daw nilang kumanta at sumayaw.”

Sinong paborito mong actor? “Si James Reid po, kasi guwapo po siya tsaka magaling umarte,” saad ni Kikay.

Gusto rin daw niyang gumanap na kontrabida role at maging beauty queen. Anong gusto mong gampanan na role? “Kontra bida role po, gusto ko. Kasi po challenging at exciting.

“Si Megan Young po favorite ko, kasi po gusto ko rin po maging Ms. World,” saad pa ng cute na si Kikay.

Si Mikay naman, si Daniel Padilla daw ang favorite actor. “Ang favorite actor ko po ay si Daniel Padilla, kasi guwapo po siya at magaling umarte.”

Pero ayaw daw niyang maging kontrabida. “Ayaw po, gusto ko po yung kinakawawa po ako. iyong inaapi po. Gusto ko rin po yung parang mga superhero, gaya ni Darna.”

Nang usisain pa siya ukol sa kanilang audition sa Viva, eto ang kuwelang sagot ni Mikay: “Pinakanta po kami ng pabebe at pina-acting, tapos po ay natulala po si Boss Vic!”

ALAM MO NA! – Nonie V. Nicasio