HATAW! D'yaryo ng Bayan hatawtabloid.com
ISA kami sa natuwa nang ibalita ni Mommy Diana Jang, ina ni Kikay at tiyahin ni Mikay na pinapirma na sila ng kontrata sa Viva. Sina Kikay at Mikay ay pamangkin ni Donita Rose at lumalabas-labas na rin sa ilang mga programa sa TV.
Si Kikay ay pitong taong gulang at si Mikay naman ay 10 taong gulang pa lamang pero kitang-kita sa dalawa ang hilig sa pag-arte at pag-aartista. Balitang natulala si Boss Vic del Rosario nang magpakita ng talento ang dalawa. Paano naman, gifted ang dalawa dahil kahit paartehin, pakantahin o pasayawin, tiyak na matutuwa ka sa ipakikita nila.
Kasi naman, tatlong taong gulang pa lamang daw si Kikay at lima naman si Mikay eh kinakikitaan na ng hilig sa pagkanta at pag-arte. Kaya hindi na kataka-taka kung na-master na kumbaga ng mga batang ito ang pagkanta at pag-arte.
“Everytime na they watch ‘It’s Showtime’, sinasabi nila na gusto nilang pumunta roon dahil gusto rin daw nilang kumanta at sumayaw,” paglalahad ni Mommy Diane nang minsang makausap namin ito.
Ngayong Viva contract artist sina Kikay at Mikay plano ng Viva na ipasok sila sa TV series na Ang Panday ng TV5 na pinagbibidahan ni Richard Gutierrez.
And for sure, umpisa pa lang ito dahil sa rami ng show ng Viva, tiyak na marami pang ibibigay na project sina Boss Vic at Veronique del Rosario.
Congrats mommy Dianne and Kikay and Mikay.
SHOWBIZ KONEK – Maricris Valdez Nicasio
