HATAW! D'yaryo ng Bayan hatawtabloid.com
LUMALABAS na sa programang Wowowin pormal na inilunsad kamakailan ang “showbiz career” ni Jeyrick Sigmaton, o higit na nakilala bilang Carrot Man sa social media.
Like a newly launched star ay isang grand welcome ang ibinigay kay Jeyrick na ikinatuwa naman ng studio audience. Credit goes to the girls—seated in front of the studio—na siyang nag-upload ng mga larawan ni Jeyrick habang inaani ang kaing-kaing na carrots sa Mt. Province.
Present din ang proud dad ng binata.
Saludo kami kay Willie Revillame sa pagbibigay ng pagkakataon kay Jeyrick na makitaan kahit paano ito ng talento—kung katanggap-tanggap ba si Carrot Man sa showbiz.
Looks-wise, malakas ang appeal ni Jeyrick. Lalo pa siyang gumuwapo sa kanyang dimples. His “rural innocence” ay isa pa niyang bentahe.
Sana lang ay huwag i-distort ng ibang tao ang dapat sana’y taglayin niyang values—at ‘yun ay ang pagbibigay kahalagahan sa edukasyon.
Hanggang Grade VI lang ang naabot ni Jeyrick, ang pagpapatuloy ng kanyang pag-aaral ang mas mahalaga kaysa mag-artista.
HOT, AW! – Ronnie Carrasco III
