HATAW! D'yaryo ng Bayan hatawtabloid.com
NOONG endorser pa si Melanie Marquez ng New Placenta, madalas namin siyang nakakasama at nakakausap. Paminsan-minsan, karay-karay niya ang mga anak lalo na si Michelle na that time dalagita pa lang na medyo chubby at may pagka-boyish.
Hanggang sa manirahan si Melanie sa America kasama ang mga anak. Sa totoo lang, isa ako sa nagulat nang malaman kong model na pala si Michelle at ang ganda-ganda niya ngayon huh? Kamakailan ay isa siya sa mga rumampa sa Bench Fashion show.
Talagang sinundan ni Michelle ang yapak ng kanyang ina.
Anak ni Melanie si Michelle kay Derek Dee na nag-aartista rin noong araw. Naging producer din ito noon under Omni Films.
At hindi na rin ako magtataka kung pati pag-join sa beauty pageant ay gawin ni Michelle. Maganda siya, tsinita, flawless at kung height naman ang pag-uusapan, pang beauty queen din.
Nakatutuwa nga si Michelle dahil nang una niyang makita ang kanyang mukha sa lifestyle section ng mga newspaper ay tuwang-tuwa siya.
Very proud siyempre ang nanay niyang si Melanie na willing sumuporta sa anumang gustong gawin ng anak.
( TIMMY BASIL )
