Alex, madalas daw late sa taping ng bagong show

KAHIT antipatika ang dating ni Alex Gonzaga, hindi ito nawawalan ng project. Katunayan, may bago siyang TV show sa Kapamilya Network na ididirehe ni Wenn V. Deramas. (Hindi lang namin alam kung sino na ang kapalit ngayong pumanaw na ang magaling na director).

Marami ang nagtaas ng kilay, bakit ‘ika mo? Sa rami ng artista ng ABS- CBN siya pa ang napili. Napag- alaman naming, mismong big bosses ng Dos ang nag-request sa box-office director na si Alex ang gawing bida sa nasabing TV series.  Maganda ang takbo ng istorya, nakaka-excite panoorin at kaabang-abang ang bawat episode, kuwento ng aming source.

Hanggang ngayon hindi pa rin nawawala ang pagiging prima donna ni Alex. Talbog nga raw ang utol niyang si Toni Gonzaga sa kaartehan. Akala mo raw big star kung umasta sa shooting at taping. Hindi naman daw kagandahan, ordinary lang ang beauty.

Sabi nga ng kausap namin, nakukuha lang sa magaling na make-up, kaya nag-iiba ang look nito at nagmu-mukhang pretty sa pictorial.

Sa shooting ng isang  pelikulang ginawa ni Alex, kung dumating daw ito ay laging late. Siyempre, explain ang dalaga kung bakit siya late. Kung ano-ano ang idinadahilan, buti na lang daw at mabait sa kanya ang director at kaibigan nito ang sis niyang si Toni.

Ma-realize sana ni Alex na malayo pa ang lalakbayan niya para marating ang pinapangarap niyang maging isang big star tulad ni Toni. Hindi naman siya ganoon kagaling as an actress/comedienne. Kailangan pa nitong i-improve ang acting niya.

Sana sa bago niyang TV show kakitaan naming si Alex ng kakaibang galing sa pag-arte.

ANIK-ANIK – Eddie Littlefield