Pakikipagtagisan sa acting ni Ruffa sa mga bida ng Bakit Manipis ang Ulap?, inaabangan

MUKHANG manggugulat na lang ang produksiyong bumubuo ng Bakit Manipis ang Ulap? sa mga dapat pang abangang episode after the pilot week.

Very imposing kasi sa opening credits nito ang pangalan ni Ruffa Gutierrez alongside ng mga bidang sina Claudine Barretto, Cesar Montano, Meg Imperial, at Diether Ocampo yet ni anino ng dating beauty queen ay hindi pa bumubulaga.

Maging sa grand presscon ng BMAU ay conspicuously absent si Ruffa.

Feeling namin, isang nakakakabog na papel ang inilaan ng Viva TV para kay Ruffa para mas kumapal ang kuwento sa likod ng “manipis na ulap.”

Ruffa’s inclusion in the powerhouse cast is a breath of fresh air. Matatandaang kabilang si Ruffa sa cast ng isang teleserye sa TV5 sa third quarter ng 2015 na makaraang umere ang dalawang episodes nito ay nakansela na nang tuluyan ang proyekto.

Seeing Ruffa again is a welcome sight para sa kanyang mga follower. Year 2016 only proves na taon ito ng muli nilang paghataw ng kapatid na si Richard sa TV after a long while.

Sa darating kasing February 29 ay magpi-premiere na ang Carlo J. Caparas’ Ang Panday, 9:00 p.m.. Alas nuwebe y medya naman ang bagong time slot ng Bakit Manipis ang Ulap?

Isang acting piece ang role for sure ni Ruffa sa BMAU, kaya excited ang mga manonood kung paano siya makikipagtagisan sa mga bituin nito  sa pagtutok ni direk Joel Lamangan.

HOT, AW! – Ronnie Carrasco III