HATAW! D'yaryo ng Bayan hatawtabloid.com
NAKAKATUWA ang mga batang sina Kikay & Mikay, bukod kasi sa cute ay talented sila pareho. Sa ginanap na pocket presscon recently para sa M & M #pumapagibig concert nina Marion at Michael Pangilinan na gaganapin sa Zirkoh Tomas Morato sa March 6, nagkaroon ng impromptu sing and dance number ang dalawang bagets. Parehong magaling sa sayawan at kantahan ang dalawa, kaya sure ako na may puwang sila sa mundo ng showbiz
Si Kikay ay 7 years old, samantalang si Mikay ay 10 years old naman.
Ayon sa mother ni Mikay na si Mommy Diana Jang, as early as three years old pa lang si Kikay at 5 years old pa lang si Mikay ay hilig na nila ang kumanta at mag- acting.
Esplika pa ni Mommy Diana, “Everytime na they watch It’s Showtime, sinasabi nila na gusto nilang pumunta roon dahil gusto rin daw nilang kumanta at sumayaw. Ang favorite actress nila ay si Sarah Geronimo.”
Ang M & M #pumapagibig ay prodyus ng The Entertainment Arts & Media (TEAM). Kabilang sa guests ang talented crooner na si Gerald Santos, Star Magic member Ahron Villena, actor-singer Zyrus Imperial, at Eat Bulaga’s Spogify winner Mavi Lozano.
Kasama rin dito sina Pauline Cueto, Alyssa Angeles, Erika Mae Angeles, Sarah Ortega, Kikay & Mikay, Josh Yape, Maria Elena Tan, Glaiza Micua, Azrah Gaffoor, at Alex Datu. Ang musical extravaganza na ito ay mula sa direksiyon ni Throy Catan.
Ito’y isang benefit show para sa Bahay Aruga na tumutulong sa pediatric cancer patients at matatagpuan sa Ermita, Manila. Kabilang sa major sponsors ang Golden Legacy Jobmovers Corporation, Above Aesthetics at Kikay & Mikay. Minor sponsors include Fernando’s Bakery, Mega C, I Love My Sisters (Megasoft), Africa’s Catering, at Atty. Ferdie Topacio.
ALAM MO NA! – Nonie V. Nicasio
