Pringle – kaya naming makabawi sa talo

NATUWA ang 2015 PBA Rookie of the Year na si Stanley Pringle sa ipinakitang pagbawi ng kanyang koponang Globalport nang tinalo nito ang Barangay Ginebra San Miguel, 89-85, sa Oppo PBA Commissioner’s Cup noong Araw ng mga Puso sa Smart Araneta Coliseum.

Sinayang ng Batang Pier ang 15 puntos nilang kalamangan sa ikalawang quarter at sumandal sila sa dalawang tres ni Terrence Romeo at dalawang free throw ni Pringle sa mga huling segundo upang makuha ang una nilang panalo sa torneo pagkatapos na matalo sila sa Mahindra noong Biyernes.

Ito ang unang laro ng dalawang koponan pagkatapos ng kontrobersiyal nilang laro sa quarterfinals ng Philippine Cup noong Disyembre kung saan sinayang ni Pringle ang mga huling segundo ng overtime period at hindi tumawag ng reperi ng backing violation kaya nanalo ang Globalport at umabante sa semis.

“This is a new conference so we’re not thinking about what happened last conference,” wika ni Pringle na nagtala ng 14 puntos sa laro. “We’re just focusing on jelling with our import (Brian Williams). It’s good that we got the win but we’ve got to continue playing as a team. We’re looking forward to a strong conference and we were kinda sore in our previous game.”

Susunod na makakaharap ng Globalport ang Tropang TNT sa Biyernes sa Mall of Asia Arena.

“We’ve got to be ready for whoever TNT will field (bagong import kapalit ni Ivan Johnson). TNT is a great team and they always play hard,” ani Pringle.

( James Ty III )