Edgar, mag-aaral ng Culinary Arts sa TESDA

NASORPRESA ang youth supporters ng senatorial candidate na si Joel Villanueva sa surprise musical number na handog ni Edgar Allan Guzman noong February 9 sa Amoranto Sports Complex sa kick off ng kampanya ng senador.

Kasabay nito ang pagsasabi ni Edgar na mag-aaral siya sa TESDA na pinamunuan noon ni Villanueva.

“Malaking bagay po sa akin na mapalawak pa ang nalalaman ko kaya plano ko talaga na ituloy ko ang culinary course sa TESDA. Kahit busy sa trabaho bilang artista bibigyan natin ‘yan ng oras dahil importante ito para sa akin,” ani Edgar sa isan panayam.

Sa kabilang banda, naikuwento ni EA na single siya ngayon kaya naman naka-focus ang kanyang atensiyon sa pag-aalaga sa kanyang nanay na kagagaling lang sa karamdaman. Bread winner ng pamilya si EA kaya’t doble ang kayod at ‘di naman pinagkakaitan ng blessings.

At sa mga naka-miss sa kanyang character sa Kapamilya serye na Doble Kara, sinabi ng aktor na magbabalik ang kanyang papel sa afternoon serye. “Hintayin n’yo lang po magbabalik ang role ko sa ‘Doble Kara’ at marami pa kayong dapat abangan sa serye naming.”

Matagal din nag-usap sina EA at Villanueva at dito humanga si EA sa senatoriable dahil sa hangarin nitong mapalaganap ang edukasyon at kaalaman lalo na sa mga kabataan.

SHOWBIZ KONEK – Maricris Valdez Nicasio