HATAW! D'yaryo ng Bayan hatawtabloid.com
MALUNGKOT na balita para sa Aldub fanatics. Imposible nang matuloy ang napabalitang Aldub Valentine concert. Actually, totoo talagang may offer na eight figure (kay Alden Richards pa lang huh) para sa naturang concert pero habang papalapit ang February ay lumalabo naman ang usapan ng producer at ng mga taong humahawak kay Alden at kay Maine Mendoza.
Ang sinasabing eight figure na to ay nagkahalaga raw ng P20-M na offer noon ng produ na si Joed Serrano kay Alden. Uulitin ko, kay Alden pa lang at hindi pa kasama ang kay Maine.
Sayang talaga.
Nang tanungin ang producer kung sa mga oras na ito, willing pa rin ba siyang sumugal o magbigay ng P20-M kay Alden, na ang concert ay magaganap sa July, oo pa rin ang sagot ng produ.
Anyway, nakalulungkot lang na ‘di nag-prosper ang pag-uusap between Joed at ng mga humahawak sa career ni Alden.
Sa kasalukuyan busy ang kompanya ni Joed sa pagpo-promote ng Panahon Na May Tama starring Gladys Guevarra, Boobsie Wonderland, Ate Gay and Papa Jack sa February 13 sa Smart Araneta Coliseum.
Pero teka, sa July ba sikat pa rin ba ang tambalang AlDub?
Baka naman by that time puwede nang tumawad si Joed, baka from 8 figures puwedeng ng 7 figures hehehehe.
Anyway, sa mga concertgoer na tila sawa na sa traditional na Valentine’s concert, go na kayo sa Smart Araneta at tiyak na gugulong kayo sa katatawa.
MAKATAS – Timmy Basil
